حب الجامعه؟؟؟؟؟؟؟؟؟؟؟؟؟هل حب فعلا

البدايــــــــــــــــــــــــــــة

الولــــد: انا معجب بيكى جدا من اول مره شوفتك فيها وبصراحه بقى

يسكت ويبص فى الارض ويتنهد جاااااااامد ويقولها وبصراحه كده بحبك

البنـــــــت : وشها يحمر وتكسف كده وتقوله وانا كمان

بس كده وتبتدى اجزاء الفيلم العربى

اول سنه

كل شويه مكالمات ومسدات ومسجات بقى وبحبك وحشتينى وحسين الجسمى بقى وايه اجمد كلام واجمد هدايا واحلى خروجات وفسح وعزومات وعيشه ايه جاااااااااااااااااامده جدااااااااااااااااااااااااا

تانى سنه

يخفف هو من ناحيته شويه والبنت تفتكر انه بيتقل عليها يا عينى وتجرى وراه هى وكل شويه مكالمات وانا يالى بحبك وحدى انا ونانسى عجرم بقى وايه جو رومانسى جامد

تالت سنه

خناقاااااااااااااااااااااااات خناقااااااااااااااااااااااااااات على كل حاجه واى حاجه وده طبعا بيبقى تمهيد للى هيحصل بعد كده

رابع سنه

خلاص بقى هيتخرجوا وابتدت توجع دماغه

البنـــت:هتيجى تقابل بابا بقى احنا خلاص كلها شهر ونتخرج لازم تكون علاقتنا رسمى

الولـــد:يضحك اوووى ويقولها رسمى ايه ياماما هو انتى فاكره انى هاتجوزك ولا ايه انا عمرى ما افكر اتجوز واحده مشيت معاها وخرجت معاها ايوه احنا عشنا ايام حلوه جداااا انا اتبسط بيها وانتى كمان لس جواز لا انا مقدرش استامنك على بيتى واسمى انا ايش عرفنى انتى ممكن تعملى كده مع غيرى وابقى انا نايم على ودانى زى اهلك اللى فى البيت

بس كده وتوته توته فرغت الحدوته

و ده حب الجامعه انا طبعا مبعممش بس الحاجات اللى بتكمل جد بتبقى باينه من اولها يعنى لو واحد حب واحده وحاطط فىدماغه انه يرتبط بيها رسمى مش هيخرج معاها ولا يزعقلها ادام الناس وكده بالعكس ده هيحافظ عليها وعلى سمعتها كمان

وانتوا بقى ايه رأيكم فى حب الجامعه؟؟؟؟؟؟؟

الحب موجود فى اى مكان

مش بس فى الجامعه

وتسلمى يا مونى عالموضوع الجميل ده

لا استطيع الافاده
لانى لم اجرب ذلك
وشكراا على الموضوع

بصراحة انتى قولتى كلام كتير صح وده فعلا بيحصل بس مش بنسبة مية فى المية ده ممكن يكون بنسبة 95% يعنى ممكن يكون فيه فعلا حب حقيقى ويحاول يرتبط بيهاااا انا عن نفسى محاولش بانى ارتبط باى حد معايا فى الجامعة لانهم فعلا ميستاهلوش او بالمعنى الاوضح مش البنت الى احبها او اعتمد عليها انها تكون شريكتى فى حياتى والفكرة دى طبعا من الى بشوفه فى الجامعة

وشكرا على الموضوع الجامد ده

بجد انا ما قرأت قبل كده عشان ماكنتش فاضى بس دلوقتى انا بضحك وكلامك صح بس انا فعلا ماجربتوش
وشكرا يا مونى على هذاالموضوع

مشكورين ع الاراء كتيييييييير

حب فتره الجامعه
هو حب زى اى حب
مشكلته الوحيده بتكون ان الشباب بيكونو لسه فى بدايه حياتهم فممكن يكون بيحب بجد بس مش ينفع يتجوز دلوقتى فبتكون النهايه
وعشان كده احنا واخدين فكره مش كويسه عن موضوع حب الجامعه
لكنه حب زى اى حب
بالعكس دا جماله انه فى الغالب بيكون اجمل حب فى حياتنا لانه بيكون فى الغالب اول حب سواء للشاب او الفتاه
ومساله انه ممكن يكون بيتسلى فدا مش فى الجامعه بس يعنى بلاش نظلم الحب فى الفتره دى من حياتنا
ميرسى ليكى مره تانيه مونى

ميرسى انت على مشاركتك فان مان منورنى

لا يوجد شىء اسمه الحب بين الولد والبنت فى الجامعة
فهو فى الغالب تسلية من
الولد او البنت
والموضوع جميل اوى

ع المرور منورنى falconegypt مشكور