هل تعلم مدة الحلم فى نومك؟؟!!!

العلماء يقولون بأن مدة حلم الانسان 6 ثواني !!!!
معقول ؟؟؟

كل الحلم والروحه والجيه لا تستغرق الا 6 ثواني !
نعم وذلك بسبب المتحكم الرئيسي بالأحلام وهو العقل الباطن

في بعض الاحيان تكون نائم احلى نومه ,
وتحلم مثلا بأن جرس المدرسة يرن , فتصحى وتجد الهاتف او جرس الباب يرن ,

هذا ليس معناه بأن العقل الباطن عارف بأن احد سيتصل بك في
هذه اللحظة , ولكنه بشكل سريع يخترعلك مشهد

ويدمجه مع الحلم .

الحلم لا يستغرق الا عدة ثواني فقط ولكن العقل الباطن
يوهمك بأنك تحلم طوال الليل

المشكلة اين تكمن فالعقل الواعي ؟

اتدرون السبب ؟؟

لأن العقل الواعي , ينفذ الأوامر التي تأتيه ,
وهو طبعا لا يعرف بأنها أحلام !!

مثلا الواحد أحيانا يحلم بأنه يطير أو يغوص
فالعقل الباطن هنا يجب ان يتدخل والا فان الانسان سيكون معرض للموت

((هذه حقيقة علمية ))على سبيل المثال :
اذا حلمت بانك واقع من على الطاولة
فالعقل الواعي بيصورلك تأثير الوقعه بالضبط

ومن نعم الله علينا ورحمته خلق لجسم الأنسان
آلية اسمها ((ارتخاء العضلات ))

جميع عضلات الجسم تكون مشلوله خلال مرحلة الاحلام
ما عدا عضلة الحجاب الحاجز وعضلات العينين.

يعني مثلا اذا حلمت نفسك سوبر مان

آلية ارتخاء العضلات بتضمنلك تبقى في سريرك

وتنتهي هذه الآلية بمجرد انتقالك إلى مرحلة ثانية من مراحل النوم أو
استيقاظك من النوم

بجد معلومات جديده ورائعه

تسلم ايديك بجد

تقبل مرورى

موضوع راااائع يا محمد
و معلومات جديدة جدا بجد
تسلم ايديك
و يارب دايما منورنا بموضوعاتك الرائعة
و بحضورك الرائع
ياااااااااارب

اه صح والله
انا قريت كدة قبل كدة والله

بس انا قريت ان الحلم بيحصل فى جزء من الثانيه

يعنى الواحد بيحلم عدد غيرر منتهى من الاحلام
مش بيفتكر منها غير حلم واحد بس
وهوة اخر واحد

وبيقلك كمان ان ساعات بتحصلنا حاجات فى حياتنا نقول
الله انا الموقف ده شوفته فين قبل كدة
وتحس انك زى ماتكون الحاج دى بتكرر لمرة التانيه

يبقى الموقف ده انت شوفته فى حلم
واتخزن طبعا فى عقلك الباطن
فلما بيحصل عقلك الباطن بيسترجعه بس ما بتبقاش عارف ا نت شوفت الكلام ده فين

ايه الرغى الكتير ده
ههههههههههههههههههههههه
انا رغايه اوى معلش
ههههههههههههههه

بجد موضوع رااااااائع ي امحمد
لدرجة انى اتكلمت ومش حسيت بروحى
تسلم ايدك ياقمرنا

موضوع حلو اوى يا محمد واحلى حته بتاع سوبر مان دى

وكويس انه باطن عشان النا كل يوم برمى حد معين من فوق جبل

هههههههههههههههههههه

ربنا يستر ومعملش زى ياسمين واقول بعدها شفت الموقف ده فين قبل كده

هههههههههههههه

تسلم يا محمد

بجد موضوع رائع

خالد زيزو
انا مبسوط اوى انك بتكون اول
واحد يشوف موضوعى
ووجودك بيسعدنى جدا
شكرا ليك على مرورك
الراااااااااااااااائع

بوسى الغالية
مجرد بس انك تعلقى بكلمة او حتى مرورك بس
على الموضوع بيسعدنى جدا
لانك بجد ليكى عندى مكانة كبيرة اوى اوى اوى
نورتى الموضوع
وميرسى على مرورك الجميل

ياسمين
انا معاكى مسألة المشهد المتكرر
انى يحصل قدامى موقف واقول انى شفته قبل كده
بتحصلى كتير اوى
وكل مرة مش بفتكر انا شوفت
الموقف ده فين
ميرسى على مرورك الجميل على الموضوع

تسلميلى ياقمر يامونى ياعسل انتى
بس قوليلى انتى بترمى مين من فوق الجبل اوعى يكون انا
ههههههههههههههه
ميرسى على المرور الجميل

بقي الموضوع كدة يعني
يعني لما انا اشوف حاجة و احس انها بتتكرر لتاني مرة دا يبقي حلم قديم متخزن
تعرفوا
انا كان نفسي اعرف الموضوع دا جدااااااااااااا
موضوع روعة فعلا يا محمد

انا سعيد انى بينكم فى المنتدى الجميل ده

وسعيد انك انت بتقول الكلام الجميل ده عليا

بجد موضوع رائع والله ربنا يخليك بجد يا محمد

تسلم ايديك تقبل مروري

ايوة يابوسى بيكون حلم شوفتيه قبل كده
ولما بيحصل فى الحقيقة بتحسى انه كلاكيت تانى مرة

نورتى اوى اوى اوى
يابوسى

واحنا ياخالد اسعد منك بوجودك بينا
وميرسى بجد على مرورك الجميل على موضوعى

وميرسى على الكلام الجميل ده

nour_einy

شرفنى مرورك على الموضوع
واتمنى انه يكون عجبك
ميرسى على المرور

تسلم الايادى يا قمر موضوع جميل
مستنيه المزيد