موضوع عن السمنه المفرطه ويرب تنال اعجبكم

السلام عليكن اخواتي وحبيباتي المقلبظين.مين فينا متعبتش من الرجيم؟طيب مين فينا متعبتش من انتكاسات ما بعد الرجيم؟مين فينا متعبتش من الحرمان والاجهاد واعتلال الصحه بسبب الرجيم؟ومين مشافتش الاكتئاب المصاحب للرجيم والمصاحب لضرب الرجيم بسبب وجع الضمير؟وكل ما نعمل رجيم نرجع بعده اتخن من الاول.لان اجسامنا بتكون محرومه وشرهه لاي حاجه ناكلها .ده غير نظام الحرق الي بينخفض تدريجيا بسبب قله الاكل عن احتياج الجسم.احنا ليه مش بنتعلم من الرجيمات الفاتت انها تجربه فاشله.لانك كل ما بتحرمي نفسك وتعذبيها بترد ليكي الصاع صاعين وتلاقي نفسك بتضربي بعد كده.لا زم نبص لبكره لو ربنا ادانا العمر والصحه هيكون شكلنا ازاي بعد 5 سنين و10 سنين.يا تري نظام حياتنا هيكون عامل ازاي وقتها.ارجوكو كفايه ميزان فاشل وقياسات للخصر والصدر و و .كفايه وقوف كل شويه ادام المرايه عشان تشوفي فرقتي اي عن الدقيقه الي قبلها.بطلي تقارني نفسك بوزنك وانتي عروسه اوقبل الجواز وتظلمي نفسك وتنسي انك ولدتي كام مره وعدي عليكي كام سنه من ايامها والتغييرات الهرمونيه الي حصلتلك وتغيير نظام الحرق في جسمك مع زياده العمر.كفايه تطلبي من نفسك وزن وشكل صعب عليكي توصليله.ارحمي نفسك وفكري باعتدال عشان تقدري تحققي حاجه.اعرفي ان من عوامل السمنه الوراثه والبيئه والحاله النفسيه والطفاسه.يعني في عوامل تانيه غير الطفاسه.فبطلي تلومي نفسك علي جسمك..........خلاص اتفقنا نمحي الرجيم من حياتنا؟طيب اي البديل عشان صحتنا وحياتنا وشكلنا؟بصي يا ستي.البديل هو 3 نقط .1-اتصالحي مع نفسك وقوليلها اسفه علي الحرمان والاكتاب و لومك علي وزني وشكلي ده.2-ابدئي بتغيير سلوك وااااااااااااااحد بس كان سبب رئيسي في زياده وزنك مثلا العشا التقيل او كتر الحلويات او المياه الغازيه.ولما تتمكني من نفسك تماما وتكوني واثقه ان مفيش قوه في دنيا هترجعك للسلوك ده ادخلي علي سلوك تاني.حتي لو اخد منك تعديل السلوك الواحد شهور مش مهم انتي برضه الكسبانه.3-بما ان الياس والعامل النفسي من اهم العوامل في زياده وزننا فلازم وحتما نشوف حل لمشاكلنا يا امنا نحاول نعالجها او نهرب منها باسلوب تاني غير التجريش ادام التلاجه.عموما لو فضفضتي هنا احسن من انك تفضفضي ادام لوح شوكلاته او مع كوبايه ببسي.وسامحوني يا اخواتي لو خلينا الجروب هنا محدود علي عدد معين لان بصراحه لو ربنا اراد نفسي يكون الاخوات الي هنا احباء في الله وروابطهم ببعض قويه عشان يكونو خير عون لبعض.ولو واحده منا تراجعت الباقي يلحقها ويشدها معانا تاني.افتكرو كويس مفيش ميزان مفيش قياسات

موضوع رائع ومعلومات هايله تسلم ايدك يا قمر

tslmyyyyyyyyyyyyyyyyyyyyy