السادة «المسطولين» شايفين الحياة «زبادي بالعسل»

سؤال يراودني دائماً وهو: لماذا انكتب علينا ألا تتخطي أحلامنا سوي لقمة العيش فقط؟! وكأن الكائن العجيب الذي يسمي المواطن المصري ليس من حقه أن يطمع في أكثر من ذلك.

في معظم دول العالم تجد الشعوب لا يفكرون «ح ناكل منين أو بكام» فهذه أمور منتهية عندهم، مسألة إشباع الحاجات الأولية مثل الأكل والشرب والأمان متوافرة ولا تؤرقهم.. هذه المسائل لا توجد إلا عندنا وبعض الدول المتخلفة التي ننتمي إليها..سيرد بعض المشتاقين ومساحو الجوخ، ويقولون «يا بني مفيش حد في مصر بينام جعان» تلك المقولة التي لم يعد لها في زماننا أي سند أو وجود ويرددها من يدفنون رؤوسهم في التراب.. لأن كثيرين اليوم «مش بس بيناموا جعانين، لا وعريانين كمان».. يلتحفون السماء.. يشاركون القطط والكلاب في البحث عن بعض الطعام في صناديق القمامة.

أبسط الأطعمة التي كنا نسميها أطعمة الغلابة طالتها نيران الغلاء ودخلت نطاق الأطعمة المحظورة. أصبحنا نصرف ٩٠% من رواتبنا علي الطعام ليس لأننا شعب «بطني» ولكن لأن الرواتب مهينة، والأسعار موجعة لا تكفي لسد الحاجات الأساسية.

أكثر مشاكل البيوت الآن علي مصروف البيت والأب شغال في ساقية.. شغل صبح وليل علشان يعوض فرق الأسعار. وإذا صرخنا واعترضنا خرج المسؤولون علينا بالابتسامات الصفراء، يحدثوننا عن ارتفاع معدلات النمو والصادرات بالمليارات والحياة زبادي بالعسل... شوفوا كم السيارات في الشوارع دي بقت أكثر من البني آدمين.. كناية عن ارتفاع معدل دخل الفرد...يا سيادة المسؤول، لو عندنا ١٠ ملايين سيارة متنساش إننا ٨٠ مليون إنسان، يعني ٨٥% من الشعب يستخدمون وسائل «التعطيل» العامة - المواصلات سابقا - وأحيانا «موتورجل» للحفاظ علي الميزانية إذا كان في ميزانية أصلا... أخيرا أقول لحكومتنا النظيفة انزلوا عيشوا معانا علي الأرض!

لأن كثيرين اليوم «مش بس بيناموا جعانين لا وعريانين كمان».. ،
هذا هو حالنا اليوم
شعب فقير
يعيش تحت خط الفقر
للاسف الشديد

اييدك فى كل كلمه وحرف
بوسى
مشكورة للمرور
تحياتى

و انا اتفق معك في عنوان الموضوع
السادة المسطولين شايفين الحياة زبادي بالعسل

عشان الناس ما بقتش ناس

زمان كانت الحياه بسيطه لكن مش غاليه
الناس طيبين قرريبين سعدا

دلوقت الحياه غاليه والفلوس مش مقضيه والحياه معقده
والناس بتكرة بعض

ربنا يهدى العاصىى

ويقرب بينا

تسلم ابيه عالموضوع الرائع

اللهم آمين يارب العالمين
في مشكلة كمان و الله يا ياسمين
و هي ان رغم الوضع الصعب دا
الا اننا بنلاقي المظاهر الكدابة في كل شيء
للاسف الشديد
و دا طبعا بيكون علي حساب ميزانية البيت و العائلة
و الاب مش بيعرف يظبطها خااالص
طبعا مش كلهم
بس في كتييييييير كدة

وانا مفقه مع ياشمين على كلامها
فعلا الحياه بقت صعبه اوى

تسلم احمد موضوعك هايل