حل الفزورة واشحن كارت

باين كده انى هالعب لوحدى يا كوين هى الدراسة بدأت عندكم والا ايه
والا جمصة اخدت الاعضاء مننا
انا مش هانزل اللغز دلوقتى
وشكرا يا كوين على اهتمامك

كان نفسى ابداها والله يا بوسى بس زى ماانتى شايفة انا وانتى وكوين ما ننفعش
انتى منظمة اللعبة معايا وكوين مسئولة عن الفائزين والجوائز
ابدأ ازاى بالوضع ده ؟ كده تفشل من اول يوم وانا مش هارضى بكده
اعذرينى يا بوسى
بس انا شايف ان المشاهدات كتير حاجة غريبة

حلوه اوى الفكره ى انا كمعاكم فيها بس ين الالغاز اصلا

ايه يا مونى انت فين يا جميل؟
الالغاز موجودة لكن الناس مش موجوده
عايزين ايه تانى دى كوين هاتشحنلهم رصيد والا عايزين الجايزة N73 ؟

معااااااااااااكو بس لو حليت صح ومتحوليش رصيد مش هسكت خالص
ههههههههههه
فكره جامده اخر حاجه

عايز اكون معاكوا فى الفوازير دة دة بعد ازنك يا كوين وهتبع كل التعليمات وانا شاء اللة ربنا معنا صديقكم المطيع مجدى جورج

مش عارف اقول اية بس المنتادى دة كل حياتى بجد واللة مش كلام وبس دة كلام من القلب يا كوين

السلام عليكم ورحمة الله وبركاته
يسر منتدى الحب ان يعلن عن ابتداء المسابقه اليومية (حل الفزورة واكسب اباجورة) مش هما بيقولوا كده ؟؟؟
انهاردة الجمعة يعنى معظم الناس اجازة عشان كده انا هابدأ انهارة المسابقة باذن الله تعالى وان شاء الله الاخت بوسى هاتكمل معاكم والاستاذة كوين لانى مش فاضلكم زى ما قولت.....
سبعة اسئلة كل يوم سؤال .....حتى يوم الخميس...متفقين؟
الحمد لله
الاستاذة كوين قالتلى خليها سهلة وانا مش هاقدر اقولها لا بس هو اول يوم بس لو سمحتم
انا باتكلم مع اطفال والا ايه؟
**** الاول(الجمعة) ****
ما الشئ الذى يوجد منه اربعة فى انجلترا واثنين فى العراق ولا يوجد فى مصر ؟؟؟

ترسل الاجابات على ص ب : بريد الحب
ورونا الهمة يا بتوع السهل والله اول واخر مرة بعد كده صعب والله شكلكم فى حضانة

ربنا يكرمك يا مجدى

كلنا مع بعض اهوة

والبنا كمان معانا

ودة اول لغز

ورينا همتكو

وماتخافوش

ادامه وقت كتير

وانا بالورقه والقلم بسجل الى مشترك معانا والى بيحاوب صح

وميرسى اوى يا محدى عالكلام الحلو دة

مبـــــــــــــــــروك
الف مبروك يا بيبو الاجابة سليمة

ميه ميه يا بيبو

ليك نقطه

وانتظر الفزورة التانيه بكرة

من تمانيه لتسعه

خليك قد التحدى بقى

انا عايز اشترك معاكو فى المسابقة دى

الاجابة هى ان فى انجلترا 4 نقط والعراق نقطتين ومصر لا يوجد نقط
وعلى فكرة فكرة الفوازير جميلة اووووووووووووووووووووى بس لو الفوز حقيقى

ايه الاخبار عاوز اعرف

شكرا على الفزورة دة دة سهلة جدا بس لازم الاجابة فى نفس اليوم على فكرة انا شغل بلصق قشرة فى النجارة وفى كلية سياسة واقتصاد بس مش عارف مواعيدى ممكن الاجابة تكون بكرة دة بعد ازن كوين طبعا

على فكرة ياكوين نفسى اكون زيك مشرف عام بس الوقت لان انا بشتغل 15 ساعة فى اليوم ومتتليةبس مش عارف اقول اية ربنا يزيدك اكثر واكثر منتدى فوق القمة واللة

عايز اقول ان المسابقة لازم تكون على قمة النزاهة ولازم تون فى مراقبة شديدة فى اول الامر دة معلومة بس يا كوين دة مش امر استغفر اللةوحضرتك الامرة الناهية فى هذا المنتادى العظيم

السلام عليكم ورحمة الله وبركاته
عاملين ايه يا بشر ؟؟؟ مش مهم
عايزين نكمل الفوازير على نفس النمط واسمحولى اقول نمط ...الف شكر
***الثانى (السبت )***
كم مرة تقدر تطرح رقم ( 5 ) من رقم (50)

بص يا استاذ انت لازم تحدد الاول اطرح من خمسين لحد ما يبقي الرقم كام ا
اذا كان قصدك لحد ما يوصل صفر يبقي ممكن نطرح 10 مرات
اما اذا انت محددتش زي ما هو باين انت اذا قصدك نطرح الي سالب مالانهايه ودي معناها ان ممكن نطرح عدد من المرات الي مالانهايه
انا مش عارف في ايه بس المهم لو اجابتي غلط قولي ليه

السلام عليكم ورحمة الله وبركاته
اخى الكريم الريس
لو خدت بالك من عنوان الموضوع وفكرته كنت حليت الفزورة شفت اسمها فزورة انا مش كاتب مسألة حساب ولو قولتلك قصدى يبقى خلاص قولت الحل ..دى فزورة يعنى السؤال بيلعب على الالفاظ وليس المعطيات عشان كده هى فزورة وليست لغز ..
يا رب اكون قدرت اوصللك المعنى واعتذر ان كنت عجزت
وشكرا يا ريس

tito_lover2008

انت معانا فعلا فى المسابقه
اهلا بيك وركز بقى
المسابقى بتتحط يوميا بليل من تمانيه لتسعه
اهلا بيك معانا
وانت جاوبت بعد ما بيبو جاوب بس اجدعن معانا فى الجديدة يلا

انا جى اسلم بس واقول لكم متعملوش حسابى فى الجيزه دى علشان انا مش مركز ببريزه
بس يلا
متكنشى عشره يا معلم على اشطى يا ريس اكيد انا قاطع فى البلون انا عارف بس يلا

هااااااااااااااااااااااى
الحل هو فى انجلترا 4 نقط
وفى العراق نقطتين
وفى مصر لا يوجد اى نقطة

حبيبتى بوسى

فى فزورة جديده اتحطت يلا شوفيها فى الصفحه رقم 2 وحليها بسرعه

دى بيبو حلها خلاص

امممممممممممممم

المسابقه سخنت اوى يا على

شوف الاجابه يلا وقلنا صح ولا غلط

بيبو شكلك تاخد الخمسه جنيه

هههههههههههههههههه
هنقر ونحقد بقى من اولها
لا مش هينفع كدا
لو مش مسامحين فى الفلوس
قولوا بقى
هههههههههه

السلام عليكم
ازيكو يااحلي اعضاء
واحلي منتدي
وحشتوني
الحل هو
هنطرحها مره واحده فقط
لان العدد بعد الطرحه الاولي بقا 45 مش 50

هاى اسطورة الخريف
ازيك يا مان
بس العدد بعد الطرحه الاولى هيكون سالب 45 مش 45
ودا مش رقم صحيح دا رقم تخيلى
ولا ايه ................

هو فين على علشان يقولنا الاجابه عامله ازاى

انا مش عارفه هوة راح فين

حالا يجى ويقلنا كلنا مين فيكو الصح

انت كمان وحشتنا كلنا اسطورة

كويس انك معانا فى المسابقه

السلام عليكم ورحمة الله وبركاته
اسف بشدة ع التأخير
بيبو اجابته خطأ
الحل السليم كان للاخ
**** أسطورة الخريف ****

هيييييييييييييييييييييييييييييييييييييييييييه كسبت
طيب يدوبك اروح اصرف الشيك من البنك

مبرووووووووك يا مان
نتمنى المزيد من اللتوفيق

السلام على من اتبع الهدى
الف مبروك يا اسطورة الخريف مش عشان الرصيد انما عشان عقلك سليم فانا بقولك مبروك عقلك
بس والله انا مش عارف اصعب الفوازير والا اخليها ع المستوى ده؟
عموما انا هاكتب الفزورة التالتة وعايز المشتركيين يزيدوا عشان المسابقة تكون حامية والفوز يكون له طعم حلو

***الثالث*** الاحد
شوية عصافير واقفين علي شجره
عدت عليهم عصفوره من بره وقالتلهم صباح الخير عليكم يا ميه(100)
قالولها احنا مش 100 احنا قدنا ونصنا وربعنا وبيكى نكمل ال 100
يبقوا كام عصفوره؟؟؟؟
يا استاذة كوين مش كفاية فوازير سهلة ؟؟؟؟؟