خدن ايه من الحب غير وجع القلب

بجد يا جماعه السؤال دا محيرني هو اه الحب حلو وجميل وممتع بس بيتعب انا مثلا حبيت بس اتحيرت وتعبت اوي ومخدتش منه الا انه شاغليه بالي علي طول حتي لما سيبت مش عارف احب تاني وياريت تقولولي ايه رائيكم انتم ممكن ابقي انا غلط

انتى مش غلط يا كوين ولا حاجة هو نص كلام صح والنص ناتى مش غلط لا دة مشكله عندك ازاى ؟؟؟؟؟؟؟؟

بتقولى الحب متعب ومحير وكمان حلو وجميل وممتع ......... مش ده تناقض؟؟
اه بس التناقض ده له غايه منه او ليه هدف
يعنى انتى مثلا لما كنتى فى المدرسه كنتى بتتعبى وتسهرى وتحرمى نفسك من التليفزيون والنت والخروج عشان تذاكرى ده تعب..
لما تنجحى بتفرحى ويروح التعب وتكونى مبسوطة
انا شايف الحب كده لابد من التناقض والاختلاف والتباين فيه حتى نشعر به ونحسه حينما نصل للغاية منه ....
فانا حينما احب اشغل بالى بحبيبتى واتابعها واسالها وممكن احقق معاها زى وكيل النيابة وممكن حوارنا ينتهى بمشكله وخصام يتعب ويحير و و ... صح؟

ولما نتزوج انا وحبيبيتى خلاص الموضوع انتهى وانا وصلت للهدف ومعاه فرحت واتمعت وضاعت الحيرة
وهادخل فى تعب من نوع تانى خالص اللى هى المشاكل الزوجية اللى معاها بيختفى كلام الحب اللى قبل الزواج فنادرا ما تقول لزوجتك وحشتينى او تتصل بيها من برة تقولها بحبك او تبعنلها رساله تقولها فى عيد ميلادها كل سنة وانتى طيبة صح ؟
لابد من التناقض زى مساله الغنى والفقير بالضبط بعنى لو مش فى فقير مش هايكون فى ماسح احذية وسيارات وسفرجى وسواق
ولو مفيش غنى هايكون مفيش فلوس وشغل واسواق وهكذا...

اما نص الكلام التانى يا كوين طبعا لازم تحبى تانى لان الحياة مش هاتقف دى حاله نفسيه طارئه او بالبلدى كده سحابه صيف والحمد لله على نعمة النيسيان اللى باعتبرها من افضل النعم الحمد لله
يعنى يا كوين مش انا ولا اى حد هايكون له اى كلمه فى مشكلتك........ انتى وبس يا كوين
عليكى بفتح قلبك تداخلى فى مناقشات مع اخوة لو مثلا اعجب بكى شخص قربى منه مش تروحى تقابليه لا يعنى تعرفى تفاصيل حياته ميوله طموحه نيته وادى فرصة لقلبك يحب طالما ان الشخص صادق محترم قريب من الله تعالى من الناس التى تحب الكفاح والعمل لانه لو تعب فى زواجه منك هايقدر قيمتك ويحافظ عليكى ويديلك مش عينه لا ده ممكن يديلك بتاع اربع او خمس تلاف جنيه

يارب يكون كلامى مفهوم ويصل للجميع مش كوين فقط

مش عارفه ارد

بس تصدق كلامك صح

واقنعنى

انا متشكرة اوى اوى اوى اوى ياعلى
وشكر على وقفتك دى جمبى

ومش خنسى بجد كل الى بتعمل عشان ده سواء فى المنتدى او فى مشاكلى

متشكرة اوى اوى اوى بجد

لا يا كوين ماتقوليش كده
انا قبل اى حاجة اخوكى وابن عمتك من بعيد
وواجب عليا وحقك عليا انى اكوت جنبك مش بمزاجى لا ده غصب عنى
عايزك تركزى مع انى عارفك انك مركزة والحمد لله مش بتفوت عليكى حاجة غير انك لبقة ومتكلمة وعندك سرعة بديهة هى بتختلف وبتتفاوت بس فى النهاية بتلاقى مخرج من اى زنقة
خلى بالك من نفسك واى حاجة مهما كانت اى خدمة مهما صعبت اى مساعدة مهما كان حجمها ومقدورها وطالما الله يعينني عليها لن اتاخر عنكى
ربنا يحميكى ويكفيكى ويحرسك ويعيذك من شياطين الانس والجن

السلام عليكم ورحمة الله وبركاته
كيف حالك ياياسمين يارب تكونى بخير ومتكنيش فى حيرة أبدآ ابدآ
ياحبيبتى الحياة والدنيا دار للتعب والمشقة لا راحة فى الدنيا ياحبيبتى
والحب الذى تفقدية هو حب الله يجب أن نجعله الحب الاول وأعلى أنواع الحب
ونتذكر هنا ما قاله الإمام الغزالي: "وكمال الحب أن يحب العبد ربه عز وجل بكل قلبه، وما دام يلتفت إلى غيره فزاوية من قلبه مشغولة بغيره". اية ياياسمين يشغلنا عن حب الله
عير أمور دنيوية تافهة لا يأتى منها غير وجع القلب كما تقولى ........
أين نحن من حب الله؟؟؟
الهتنا الدنيا فى حب الشهوات وحب المال وحب المغنين والمغنيات وأسكنا فيها من هب ودب بغير حساب صح كلامى ياكوين ولى غلط الكلام دة مش ليكى بس دة لى أنا كمان ولغيرنا
فتركنا ما هو أعظم من ذلك وهو حب الله فأين نحن من الحب الأسمى والأرقى؟؟؟
بعض الناس يرى أن طاعته وصلاته هي أكبر دليل للحب، ويرى البعض أن التعايش مع القرآن الكريم هو دليل حب الله تعالى، بينما يرى آخرون أن التضرع والدعاء ومناجاة الله تعالى هو من أنجح أسباب جلب محبة الله تعالى.
فأين نحن ياحبيتى من حب الله
هل تعلمى ياأختى أن الله يحبنا؟؟؟
وإنَّ نعم الله تغمرنا من فوقنا ومن تحت أرجلنا، كل ذرة في جسد الإنسان نعمةٌ.. من شعر رأسه مرورًا بجلده وعينيه ولسانه وشفتيه ويديه ورجليه وسمعه وبصره والقدرة على الكلام والتذوق والشم واللمس والريِّ والشبع والتنفس والأهل والولد والعمل والأصدقاء و.. و.. و..، (وإن تعدوا نعمت الله لا تحصوها).
كلُّ هذه النعم يسبغها الله علينا ظاهرةً وباطنةً ولايؤدى شكرها إلا القليل، ومع ذلك لا ينزعها الله عن المقصِّرين أو يحرمهم منها، بل يمهلهم ليدركوها ويتوبوا إلى الله.
فما أرحم الله بنا
***أن الله حريص على عباده، يحبهم، ويريد لهم الخير، ومن مظاهر هذا الحبّ:
- من حبِّ الله لنا أرسل لنا رسلاً مبشِّرين ومنذرين، قال تعالى: (رسلاً مبشرين ومنذرين لئلا يكون للناس على الله حجة بعد الرسل وكان الله عزيزًا حكيمًا).
- من مظاهر حبِّه تعالى للعباد أنَّه يدعوهم إلى دعائه: (وقال ربُّكم ادعوني أستجب لكم)، إنَّ الله يحبُّ أن يسمع دعاء عبده ليجبه، مع أنَّ هذا لن ينفع الله تعالى بشيءٍ فهو غنيٌّ عن العالمين.
- من حبِّ الله تعالى عباده أمرهم بالصلاة لكي يكونوا على صلةٍ دائمةٍ به عزَّ وجلّ، فالصلاة هي الصلة المباشرة التي تقرِّب العبد من ربِّه، وكلَّما زادت الصلة كلَّما كان من الله أقرب.
- ثم أن الله فرض الحجاب على نساء المسلمين أيضًا لحبه لعباده رجالاً ونساءً، لينأى بهم عن الوقوع في الفتنة.
ومظاهر كثيرة ولا أريد أن أثقل عليكى
صدقينى لا أحد يستحق التفانى فى حبه غير الله
وكما قلت مسبقآ اللحظات تنتهى والآوقات تنتهى والتجمعات تنتهى وفى كل نهاية موقف تظلى بمفردك لا معكى أحد غير رب العالمين
أشعرى بهذا الكلام وستشعرى عظمة الله فى قلبك
وربنا معاكى ياكوين ياأجمل قائدة فى هذا المنتدى والجميع وأنا أولهم نقبل رأسك ونحمد الله أنه رزقنا بكى أعانك الله على الخير وثبتكى
والآن أترككى فى رعاية الله
والسلام عليكم ورحمة الله وبركاته

انت انسان ادان انت لك قلب للك قلب يحب ويكره ويتحترك بتاه احساس ادان انت لك عاطفة تحرك ليس ببدك ولكن له محكمة منه الاردى ومنه الا اردى الاردى الكضحة الابتسامة نظرة الجملية ومش اردى دقات قلب له كانك منقاد ورتاء شى عظيم وهو لاشى لاتره لكنه تحسه له سلطان ممكن يتحكم بك دا هو سلطان الحب بمعنى انك مغرم

ربنا يكرمكو على رايكو وردكو عليا

تسلمولى

ربنا يخليكو ليا

ابنتى العزيزة كوين اولا أحيى فيكى الصراحة والروح البسيطة والرقيقة وأحب اقول لكى انة من نعم الله عزوجل على الانسان انة انعم علينا بنعمة النسيان وان كل شيىء يبدأ صغيرا ثم ينمو ويكبر الا المصائب والصدمات والازمات فانها تبدأ كبيرة حتى يخيل للانسان بأن الحياة توقفت عند هذا الحد وسرعان مايهدأ شعور الانسان فتارة بالنسيان وتارة بمراجعة النفس والتفكير العميق فكونى صلبة متماسكة وتمسكى بشراع الامل لمواجهة امواج الحياة ولاتقفى كثيرا عند تجربة فشلت فمن المؤكد ان الله قد اخفى لكى شيىء احسن واحسن فى غيبة وما اخطأك لم يكن ليصيبك وما اصابك لم يكن ليخطئك فذلك قدرة الله عليكى واختم بقولة تعالى وعسى ان تكرهوا شيىء وهو خير لكم واخيرا حبى الدنيا تحبك وابتسمى لها مع ارق الامنيات بحياة سعيدة فى بيت سعيد تكونين فية المــلــكــة

الله عليك ياستاذى

تسلم يا استاذى

كلامك بجد اثر فيا اوى والله

ولازم اعمل بيه انا مش هوقف حياتى فعلا على كدة بالعكس انا هبدا من جديد زى الى كان معاه حاجة وضاعت هيجاهد ويرجه يبنى نفسه من تانى

وبجد بجد انا متشكرة اوى على كلامك الجميل ده