عن العشـــــق و الهـــــوى ,, هو دة بيحصل بالدنيا ولا شغل سينما !!!!!!!!!

ايووووووووه هو فيلم العشق و الهوى ,,,
[center]
الفيلم دة انا بعشقه جدا ,,, و ممكن اتفرج عليه كل يوم عادى جدا,,,

لكن كل مرة بتفرج عالفيلم ,,, بقف عند 3 مشاهد واتسمر فعلا,,,
و افضل افكر فيهم و احللهم ,,, عشان افهم ,,, دة بيحصل بالدنيا
,,, بجد ولا دة شغل افلام و سينيما ,,,

مشهد احمد السقا بعد ما بيسيب حبيبته منى ذكى ,,, و بيرجع
يدخل اوضته و يتفلق بالعياط ,,,,



انا عمرى لا شفت رجل بيعيط بحرقة جامدة بالشكل دة هو فى
رجل فعلا ممكن يعيط بالشكل دة ,,, لمجرد ان انفصل عن حبيبته
,,, وهل انفصال الحب بيأثر اوووى للدرجة دى ,,,
دايما الرجل بيبقى جامد فى مواقف الحب و الارتباط و بيعتبرها
تجربة و عدت ,,, او بيتأثر شوية و بيرجع يكمل حياته عادى ,,,
لكن فى رجل ممكن يكون دة رد فعله بالحقيقة و بالدنيا ,,,


مشهد منة شلبى و هى بتصحيه من نومه عشان يروح لمراته
التانية ,,, اللى هى ضرتها و جيبة لابنه عجلة ,,, و حجزت لجوزها
و ضرتها عشان يخرجوا يسهروا و يتفسحوا ,,,,



هو فى بجد ستات ممكن تعمل كدة ,,, دى الست لو طالت ,,,
تقتل ضرتها و تموتها ما بتتأخر و بتخلص و ترتاح ,,,

ايه كمية العقل و الرزانة دى ,,, ايه التضحية و التفانى الغريب ,,,
لاسعاد الزوج و تهيئة حياة سعيدة و مستقرة ,,,

تفتكروا هى فعلا دى مشاعرها ولا بتحاول تضحى و تمثل كدة,,,
و تدارى غيرة الست و حب تملكها لجوزها و احساسها ان فى
شريكة تانية ليها ,,,


المشهد الجاى دة بقة بالفيلم كله ,,, دة انا بفضل احلله
يمين شمال ,,, انى افهم و استوعب ,,, نوووووو ,,, مفيش ,,,


3- مشهد خالد صالح و هو راضى و قنوع جدا و متغاضى عن ماضى
غادة عبد الرازق ( بطة بطاطس ) اللى بقت مراته ,,,
اللى كانت فتاة ليل و بتاخد من مهنة الدعارة مصدر للمعيشة ,,,

هو فى رجل ممكن يتغاضى عن ماضى زوجته بالسهولة دى ,,,
لا و موش اى ماضى دى ساقطة بتشتغل بكبارية و بتسقى خمور ,,,
و فوق دة كله بتشتغل بالدعارة ,,, و معرفته بيها جوة الكبارية ,,,
يعنى شااااف الوضع كله لايف ادااام عنيه ,,,

ايه كمية التسامح و الغفران دى ,,, هل مهما وصل حب الرجل
لست ,,, ممكن ينسيه غلطاتها و هفواتها ,,, خصوصا اذا كان ماضى
مهين و مخجل ,,, و يجيب العار لاى شاب او اسرة تناسب انسانة
بالشكل دة ,,, يعنى دة بيحصل فى الحياة بجد ,,, ولا شغل افلام ,,,


اترك لــــــــــــــكم التفكير

بصراحه هوة فيلم فعلا محير

وانا كنت دايما اقول انه اوفر اوى

لانه بيعرض حاجات فعلا مش بتحصل

لان لو كل واحد اتكلم عن نفسه

انا عن نفسى مش هقبل يبقى ليا ضرة ولا حتى هقبل اتجوز واحد متجوز حتى لو بموت فيه

وكمان مش هقبل بردو مثلا لو ابنى انه ياخد واحده كان مشيها وحش

وكمان بردو ماعتقدش ان فى حد ممكن يتاثر اوى كدة بفقدان حبيبته

ووووو

بس