حبيبتى ... اوعدينى ...

اوعدينى..
ان عمرى ما ييجى يوم
اودعك ..و لا تسيبينى
ان اسمك عمره يوم
ما يتمسح من فوق جبينى
ان حبى هيملا قلبك
زى ما انتى جوه قلبى .. و نن عينى
ان مهما يجرى بيننا
لازم اسامحك و تسامحينى
و ان ظلمنى زمانى مره
عمرك انتى ما تظلمينى
و ان سابونى الكل وحدى ..
عمرك انتى ما تنسينى
و ان بعدنى زمانى عنك..
جوه عيونك .. هتضمينى..

اوعدينى..
ان جرحتك غصب عنى
عمرك انتى ما تجرحينى
ده انت وحدك فى حياتى
و فى ملامحك .. ضى عينى
يا حبيبتى.. يا ملاكى
بنظره عنيكى .. تسحرينى
أنسى نفسى . الا انتى ..
انتى بس .. بتملكينى ..
و أرجع و أقول لك من جديد
بين رموشك .. خبينى
و ارسمى لى بلون عنيكى
فرحه تملا لى سنيينى
يا اللى لما بيبكى قلبى
انتى وحدك .. ... تسمعيينى
و ألمح فى عيونك.. دموعى..
قبل حتى ما .. تملا عينى !!

يا حبيبتى .. انا بوعدك ..
ان اسمك دايما هيفضل
يملا حياتى فرحه و ابتسام
ان معاكى انتى وحدك
قلبى ... بيحس الامان
ان قلبك لو جنب قلبى
أنسى قسوه الزمان
ان اسمك فوق لسانى
شهد .. سااايل فوق لساان
ان رسمك جوه عينى
أجمل ما رأت ..عينان
ان صوتك يا حبيبتى
صوت ملائكه .. الرحمن
فى دمايا .. يجرى حبك
رسمك فى القلب .. استكان
و لو قالولى ..مين حبيبتك ؟؟
صورتك .. فى عيونى .. تباااان
أقول لهم
أهى دى حبيبتى
بحبها ... و فى قلبها .. العنوان ..
__________________

تسلم الايادى